ვალუტის ოფიციალური კურსი
USD2.840.00%
EUR3.05+0.04%

უნივერსალური ენა

ამბობენ, რომ ცეკვა სულისა და სხეულის ენაა. მოძრაობებს, რომლებიც საფუძვლად დაედო ეროვნულ ქართულ ცეკვებს, ბევრის თქმა შეუძლია ჩვენი ხალხის კულტურასა და სულისკვეთების შესახებ.

კაშკაშა კოსტიუმები, ეფექტური მოძრაობები და, რა თქმა უნდა, ქართული ქარიზმა არცერთ მაყურებელს არ ტოვებს გულგრილს. ხალხი სხვადასხვა ქვეყნიდან იმდენად აღფრთოვანებულია ჩვენი ცეკვების ენერგიით, რომ ისინი თავად იწყებენ მოძრაობების სწავლას ან სპეციალიზებულ სკოლებში ჩარიცხვას.

ერთ-ერთი ასეთი სკოლა რუსეთში ჩვენმა თანამემამულემ ბაჩანა არდაშელიამ გახსნა. ის დიდი ხანია ნოვოსიბირსკში ცხოვრობს და 14 წელია რუსებს ქართულ ცეკვებს ასწავლის. ბაჩანა იხსენებს, რომ ცეკვა კიდევ ბავშვობაში ქალაქ ზუგდიდში დაიწყო. მაშინ ის გამოდიოდა საბავშვო ანსამბლ „ლაზიკაში“ გურამ ჭკადუას ხელმძღვანელობით.

დღეს ბაჩანა არის თავისი სკოლის 80 მოსწავლის დამრიგებელი და მასწავლებელია. „ბევრი მიღწევა გვაქვს სერტიფიკატების, მედლებისა და თასების სახით, მაგრამ, სიმართლე გითხრათ, ეს ჩემთვის ყოველთვის უმნიშვნელო იყო. ჩვენთვის მთავარია ემოციები მაყურებლისა და მოცეკვავეების თვალში ცეკვის დროს“, – ამბობს პედაგოგი.

ბაჩანა არდაშელია არ ივიწყებს საქართველოს. ყოველწლიურად ის და მისი ოჯახი ჩამოდიან სამშობლოში, მონაწილეობენ ქართულ მასტერკლასებში და ოცნებობენ, რომ ჩვენი ცნობილი მოცეკვავეები ეწვევიან მის სკოლას  გამოცდილების გასაცვლელად.

კომენტარის დატოვება

თქვენი ელფოსტის მისამართი გამოქვეყნებული არ იყო.

ამ საიტის გამოყენებით, თქვენ ეთანხმებით cookies-ის გამოყენების უფლებას.
© ყველა წესი დაცულია.