აჭარაში ამაღლებენ მასწავლებლების მოტივაციას

აჭარის მთავრობამ განაცხადა ხელფასების ახალი დანამატის შესახებ 500 ლარის ოდენობით იმ მასწავლებლებისთვის, რომლებიც რეგიონის საჯარო სკოლებში ახალ ინოვაციურ პროექტებს დანერგავენ. პედაგოგებს ასევე შეუძლიათ, შეუერთდნენ საერთაშორისო პროექტებს. მასწავლებლების მხარდასაჭერად შეიქმნება ცალკე ფონდი, რისთვისაც ბიუჯეტიდან 300 ათასი ლარი გამოიყოფა.

აჭარის ავტონომიური რესპუბლიკის თავმჯდომარის თორნიკე რიჟვაძის თქმით, ეს ინიციატივა მიზნად ისახავს განათლების ეფექტურობის გაზრდასა და მოსწავლეთა შედეგების გაუმჯობესებაზე, რამაც მომავალი თაობის განათლების ხარისხზე უნდა იმოქმედოს.

მან ასევე აღნიშნა, რომ რეგიონში მიმდინარეობს მუშაობა სკოლების აღსადგენად და ასაშენებლად, ამ მიზნით ბიუჯეტიდან 33 მილიონი ლარია გამოყოფილი. წლის დასაწყისიდან, დაახლოებით, 90 სკოლა უკვე აშენდა და აღდგა.