ძიუდოს ქართველი ჩემპიონი გაძარცვეს

აღმოსავლეთ საქართველოში, ქალაქ ხაშურში, ძიუდოს მსოფლიოსა და ევროპის მოქმედი ჩემპიონის ლუკა მაისურაძის სახლი გაძარცვეს. წინასწარი მონაცემებით, მოიპარეს სამკაულები და, დაახლოებით ათასი ლარის ოდენობის ნაღდი ფული. სისხლის სამართლის საქმე “ქურდობის” მუხლითაა აღძრული.

გაძარცვის დროს სახლში არავინ იმყოფებოდა. გამოძიება მიჰყავს საქართველოს შინაგან საქმეთა სამინისტროს.

ერთი კვირის წინ 25 წლის ლუკა მაისურაძე მსოფლიო ჩემპიონატიდან დაბრუნდა, რომელიც დოჰაში მიმდინარეობდა. ჩემპიონატის ფინალში სპორტსმენმა დაამტკიცა, რომ საუკეთესოა თავის წონით კატეგორიაში, და შეუპოვარი ბრძოლის შედეგად საქართველოს ოქროს მედალი მოუტანა. ინფორმაცია იმის შესახებ, იყო თუ არა ეს მედალი მოპარულ ნივთებს შორის, არ არის.