ექსპერტები: 2023 წელს საქართველოში ტურისტების რეკორდული რაოდენობაა მოსალოდნელი

რუსეთთან პირდაპირი რეისების აღდგენის შემდეგ წლის განმავლობაში საქართველო ელის რუსი ტურისტებისგან $300 მლნ-დან $400 მლნ-მდე დამატებითი მოგების მიღებას. ამასთანავე, ის გეგმავს შემოსავლის აღდგენას პანდემიამდელი 2019 წლის დონემდე. მაშინ ტურისტებმა რფ-დან ჩვენს ქვეყანაში, დაახლოებით, $1 მლრდ დატოვეს.

ამ წელს საქართველოს შეუძლია, რუსი მოგზაურების რეკორდული რაოდენობის იმედი ჰქონდეს, რადგან მათთვის ის გახდა მეორე ყველაზე პოპულარული დასასვენებელი მიმართულება  თურქეთის შემდეგ. გასულ წელს რუსებმა ქვეყანაში კაპიტალის შემოდინების ნახევარი უზრუნველყეს, რადგან საქართველოში $2 მლრდ-ზე მეტი გადარიცხეს. გზავნილების საერთო მოცულობამ სხვა სახელმწიფოებიდან $4,3 მლრდ შეადგინა.

მიმდინარე წლის პირველი ოთხი თვის მონაცემები აჩვენებს გზავნილების რაოდენობის ზრდის დადებით დინამიკას. რუსეთიდან საქართველოში უკვე შემოვიდა, დაახლოებით, $838,1 მლნ, რაც 2022 წლის ანალოგიურ მაჩვენებელთან შედარებით 310,2%-ით მეტია.