კამერები ბიზნესისთვის სავალდებულო გახდება

საქართველოს მთავრობამ მიიღო დადგენილება, რომლის მიხედვითაც 2024 წლის 1 იანვრამდე ყველა კვების, საცალო და საბითუმო ვაჭრობის ობიექტზე, სასტუმროსა და მოტელში საჭიროა ავტომატური ვიდეოსათვალთვალო კამერების დაყენება. ასევე კამერები უნდა დააყენონ ობიექტებმა, რომელთა სახსრების წლიური ბრუნვა 500 ათასს აღემატება.

თითოეულ შენობაზე უნდა იყოს დაყენებული არანაკლებ ორი კამერა მთავარ და ინდივიდუალურ შესასვლელებთან,  გარე პერიმეტრსა და თითო ავარიულ გასასვლელთან. კამერებს შეამოწმებს საგანგებო სიტუაციების მართვის ცენტრი “112”, წვდომას ჩანაწერებზე მიიღებს პოლიციაც. თითოეულმა ობიექტმა უნდა უზრუნველყოს ვიდეოჩანაწერის ადგილზე ნახვის შესაძლებლობა.