ქართული ფილმი ევროპული კინოაკადემიის პრემიის სიაში შევიდა

ქართველი რეჟისორის ელენე ნავერიანის ფილმი “შაშვი შაშვი მაყვალი” (“Blackbird Blackbird Blackberry”) ევროპის კინოაკადემიის პრემიის სიაში შევიდა. სხვადასხვა ევროპელ ექსპერტებთან კონსულტაციით ევროპის კინოაკადემიის საბჭომ შერჩევის პირველ ეტაპზე 19 ფილმი აირჩია, რომელთა შორის ქართული ფილმიც მოხვდა. პრემიის შორტ ლისტი სექტემბერში გამოქვეყნდება.

ფილმი “შაშვი შაშვი მაყვალი” გადაღებულია თამთა მელაშვილის ამავე სახელწოდების რომანის მიხედვით, რომელმაც 2021 წელს “წლის საუკეთესო რომანის” ნომინაციაში ქვეყნის მთავარი ლიტერატურული პრემია “საბა” მოიპოვა. მასში მოთხრობილია 48 წლის ქალის, ეთეროს, შესახებ საქართველოს პატარა სოფლიდან, რომელიც დიდად აფასებს თავის თავისუფლებას, მაგრამ ერთხელ მამაკაცი შეუყვარდება და ცდილობს თავისი შემდგომი ბედის გადაწყვეტას.