მარტოხელა მშობლების რაოდენობა წელიწადში 3,5-ჯერ გაიზარდა

იუსტიციის სამინისტროს მონაცემებით, წლის განმავლობაში მარტოხელა მშობლების რაოდენობა საქართველოში თითქმის 3,5-ჯერ გაიზარდა. 2023 წლის მარტში ქვეყანაში იყო 2 628 მარტოხელა მშობელი – 2 518 ქალი და 110 მამაკაცი. ხოლო წელს უკვე რეგისტრირებულია 8 762 ადამიანი: 8 582 მარტოხელა დედა (მათგან 14 ნაშვილებ შვილებს ზრდის) და 165 მარტოხელა მამა.

მარტოხელა მშობელი არის მოქალაქე, რომელსაც ჰყავს არასრულწლოვანი შვილი ან შვილები (მათ შორის, ნაშვილები), თუ დაბადების მოწმობაში არ არის მითითებული მეორე მშობელი. ის იღებს ამ სტატუსს, თუ ბავშვის მეორე მშობელი გარდაცვლილია, დაკარგულია ან მოკლებულია მშობლის უფლებებს.