ნადირობის სეზონი დასრულებულია

გარემოსდაცვითი ზედამხედველობის დეპარტამენტი იუწყება, რომ 1 მარტიდან საქართველოში გადამფრენ ფრინველებზე ნადირობა აკრძალულია. დეპარტამენტის თანამშრომლები უკანონო ნადირობის აღსაკვეთად 24 საათის განმავლობაში ჩაატარებენ შემოწმებას. დამრღვევებს ემუქრებათ 500-დან 700 ლარამდე ოდენობის ჯარიმები, ნადავლის ჩამორთმევა და სანადირო ცეცხლსასროლი იარაღის ტარების უფლების ჩამორთმევაც კი.

ჯარიმის გარდა, დამრღვევებს მოუწევთ თანხის გადახდა გარემოსთვის ზიანის მიყენებისთვის, ხოლო თუ ზიანი მნიშვნელოვანი იქნება, შესაძლოა, წარმოიშვას სისხლისსამართლებრივი პასუხისმგებლობა. დეპარტამენტი სთხოვს მოქალაქეებს, დაუყოვნებლივ შეატყობინონ სამართალდარღვევის შესახებ  ცხელ ხაზზე 153.