ნინო სალუქვაძე ოლიმპიადაში მეათედ მიიღებს მონაწილეობას

ოლიმპიურმა ჩემპიონმა სპორტული პისტოლეტიდან სროლაში ნინო სალუქვაძემ კრაკოვში გამართულ III ევროპულ თამაშებზე 25 მეტრის დისტანციაზე პისტოლეტიდან სროლაში მეოთხე ადგილი დაიკავა. ამან მისცა პარიზის 2024 წლის ოლიმპიური თამაშებისთვის ოლიმპიური ლიცენზიის მოპოვების შსაძლებლობა. სალუქვაძე მონაწილეობდა უკვე ცხრა ოლიმპიადაში და ქალთა შორის ამ მაჩვენებლით რეკორდსმენია.

ნინო სალუქვაძე ექვსჯერ გახდა მსოფლიოს ჩემპიონი. ის ერთადერთი ქართველი სპორტსმენია, რომელსაც ყველა ოლიმპიური მედალი აქვს მოპოვებული. 1988 წელს სეულში მან მოიპოვა ოქრო 25 მეტრის დისტანციაზე სპორტული პისტოლეტიდან სროლაში და ვერცხლი 10 მეტრის დისტანციაზე პნევმატური პისტოლეტიდან სროლაში, ხოლო 2008 წელს პეკინში მოიგო ბრინჯაო პნევმატური პისტოლეტიდან სროლაში.