რამდენი პენსიონერია საქართველოში?

ჯანდაცვისა და სოციალური დაცვის სამინისტროს ინფორმაციით, 2024 წლის დასაწყისში საქართველოში ქვეყნის 3 მილიონ 736 ათასი ადამიანიდან რეგისტრირებული იყო 838,1 ათასი პენსიონერი. ამასთანავე, ქვეყანაში თითქმის 2,5-ჯერ მეტი საპენსიო ასაკის ქალია, ვიდრე მამაკაცი: 596 ათასი და 242,1 ათასი შესაბამისად.

პენსიონერთა უმრავლესობა 75 წლამდე ასაკის მოქალაქეები არიან. 11,8 ათასი პენსიონერი 90 წელს გადაცილებულია, აქედან 2,7 ათასი მამაკაცი და 19,1 ათასი ქალია.

შეგახსენებთ, რომ საქართველოში ქალები პენსიაზე 60 წლის ასაკში გადიან, ხოლო მამაკაცები – 65 წლის ასაკში. ახალი წლიდან ქვეყანაში სახელმწიფო პენსიის ოდენობა 315 (70 წლამდე) და 415 ლარია (70 წლის შემდეგ), პლუს წანამატი მთიანი რეგიონების მაცხოვრებლებისთვის.