რით არიან ავად ბავშვები საქართველოში ყველაზე ხშირად?

იმუნიზაციის სახელმწიფო საბჭოს თავმჯდომარის ივანე ჩხაიძის თქმით, ქართველ ბავშვებში ყველაზე გავრცელებული ინფექციური დაავადებებია ჩუტყვავილა და ქუნთრუშა. წითელათი ბავშვები ყველაზე ნაკლებად ავადდებიან – იანვრიდან აპრილამდე საქართველოში მხოლოდ შვიდი შემთხვევა დაფიქსირდა. ყველაზე გავრცელებული ვირუსებია რინოვირუსი, ადენოვირუსი და კორონავირუსი.

მთავარ საფრთხეს ბავშვების ჯანმრთელობისთვის ჩხაიძე გამოტოვებულ აცრებს უწოდებს. ის ურჩევს მშობლებს, დაიცვან შვილების ჯანსაღი ცხოვრების წესი და, რაც ყველაზე მნიშვნელოვანია, შეინარჩუნონ მათი ფიზიკური აქტივობა.