რუსეთის ქართული დიასპორის დღე

12-დან 26 მაისის ჩათვლით მოსკოვში აღნიშნავენ რუსეთში ქართული დიასპორის დღეს. სულ პროგრამაში, დაახლოებით, 20 ღონისძიებაა დაგეგმილი, რომელთა შორის არის გამოფენები, კონცერტები და კონფერენციები.

15 მაისს გაიმართა რუსულ-ქართული საქმიანი საბჭოს მეორე შეხვედრა, რომელშიც მონაწილეობა ჩვენი დიასპორის წარმომადგენლებმა მიიღეს. განხილვის მთავარ თემად გახდა რფ-ს ბაზარზე ქართული პროდუქციის – უპირველეს ყოვლისა, მეღვინეობის პროდუქტების – სტაბილური მიწოდების ორგანიზება. გარდა ამისა, შეხვედრაზე ხაზი გაუსვეს სატრანსპორტო ინფრასტრუქტურის, მათ შორის, საბორნე და საავტომობილო გადაზიდვების განვითარების მნიშვნელობას და ასევე სარკინიგზო კავშირის აღდგენის აუცილებლობას.

შეგახსენებთ, რომ რუსეთში ცხოვრობს ერთ-ერთი უდიდესი ქართული დიასპორა. 2002 წლის მოსახლეობის აღწერის თანახმად, მის შემადგენლობაში შედის 200 ათას ადამიანზე მეტი. თუმცა, არაოფიციალური სტატისტიკით, რფ-ში ქართველების რაოდენობამ მილიონ ადამიანს მიაღწია.

ამჟამად რუსეთში მოქმედებს 18 ქართული ორგანიზაცია, მათ შორის, რეგიონალური და კულტურული ცენტრები და რელიგიური ინსტიტუტები. მათი მიზანია რფ-ს ტერიტორიაზე ქართული საზოგადოების ტრადიციებისა და საფუძვლების შენარჩუნება, კულტურული გაცვლა და ხალხებსა და სახელმწიფოებს შორის კონტაქტების დამყარება.