საქართველოს განმანათლებლისა და ზეციური მფარველის დღე

1 ივნისს აღნიშნავენ ნინოობას – საქართველოს ნათლისმცემლის, წმინდა მოციქულთასწორის ნინოს მოსვლის დღეს.

გადმოცემის თანახმად, წმინდა ნინო ცხოვრობდა იერუსალიმში III საუკუნის ბოლოს – IV საუკუნის დასაწყისში. სიზმარში მას ყოვლადწმინდა ღვთისმშობელი გამოეცხადა, რომელმაც ნინოს ვაზის ტოტებისგან დამზადებული ჯვარი გადასცა და იბერიის წარმართთა გასანათლებლად აკურთხა.

319 წელს წმინდა ნინო საქართველოში ჩამოვიდა და ქრისტიანობის ქადაგება დაიწყო. 327 წელს ის სახელმწიფო რელიგიად გამოცხადდა, ხოლო წმინდანს დღესაც თვლიან ჩვენი ქვეყნის ნათლისმცემლად. ბევრ გოგონას მის სახელს არქმევენ. საქართველოს განმანათლებელი მფარველობს ყველას, ვინც ნინოდ არის მონათლული, და ეხმარება ყველას, ვინც მას ქომაგობას სთხოვს.

წმინდა ნინო გარდაიცვალა 67 წლის ასაკში, 35 წლის სამოციქულო მოღვაწეობის შემდეგ. მისი დაკრძალვის ადგილას 342 წელს მირიან მეფემ დააარსა ტაძარი ნინოს ნათესავის, წმინდა გიორგის, პატივსაცემად. დღეს იქ ფუნქციონირებს ყველაზე დიდი დედათა მონასტერი საქართველოში.

ტაძრები წმინდა ნინოს პატივსაცემად აღმართულია მრავალ ქვეყანაში: აზერბაიჯანში, ყაზახეთში, რუსეთში. მაგალითისთვის, მხოლოდ რფ-ს ტერიტორიაზე მდებარეობს 16 ეკლესია და მონასტერი, რომლებიც წმინდანს ეძღვნება. ტრადიციულად ამ დღეს იქ სადღესასწაულო წირვებს ატარებენ.