საქართველოში მძღოლებისთვის ჯარიმები გაიზარდა

ამჟამად ტექდათვალიერების გაუვლელი ავტომობილის მართვისას ან ასეთი სატრანსპორტო საშუალების სხვა პირისთვის გადაცემაზე ჯარიმა 50 ლარს შეადგენს. მსგავსი დარღვევის განმეორება ერთი თვის განმავლობაში ახლა ისჯება 150 ლარის ოდენობის ჯარიმით. იმავე თვეში მესამე და მეოთხე მსგავსი დარღვევა, შესაბამისად, 300 და 500 ლარს შეადგენს.

თუ ჯარიმა არ იქნება დროულად გადახდილი, მას დაემატება ჯარიმის ორმაგი ოდენობის საურავი. თუ მძღოლი არ გადაიხდის ჯარიმასა და საურავს, მას ჩამოერთმევა მართვის მოწმობა ექვსი თვით. 8 ან მეტი წლის წინ გამოშვებულმა ავტომობილებმა ტექდათვალიერება ყოველ წელს უნდა გაიაროს.