საქართველოში ყველაზე გრძელი გვირაბის ბურღვა დასასრულს უახლოვდება

რუსეთის საზღვრამდე მიმავალ მცხეთა-სტეფანწმინდა-ლარსის გზაზე გვირაბის ბურღვა თითქმის მთლიანად დასრულებულია. მშენებლობის მიმდინარე ეტაპის შესახებ ინფორმაცია საავტომობილო გზების დეპარტამენტის უფროსმა გიორგი წერეთელმა მოგვაწოდა. ბურღვის დასრულებისთანავე დაიწყება მუშაობა სავენტილაციო სისტემებისა და ხანძარსაწინააღმდეგო აღჭურვილობის დამონტაჟებაზე.

სავარაუდოდ, მომავალ წელს სატრანსპორტო მოძრაობისთვის გაიხსნება ქვეშეთი-კობის გვირაბიც, რაც გუდაური-კობის გზის ყველაზე საშიში და ხშირად დახურული მონაკვეთის გვერდის ავლით რუსეთის საზღვართან წვდომის შესაძლებლობას გაამარტივებს. გვირაბის სიგანე 15 მეტრი იგეგმება, მოძრაობა უზრუნველყოფილი იქნება ორივე მიმართულებით და ევაკუაციის მიზნით სპეციალური გასასვლელები კი, გათვალისწინებული იქნება ყოველ ნახევარ კილომეტრზე.