სამთო-სათხილამურო სეზონი გახსნილია

სათხილამურო საერთაშორისო ფედერაციამ ბაკურიანში დაგეგმილი შეჯიბრებები დაანონსა. გასულ შაბათ–კვირას სამცხე–ჯავახეთის რეგიონის სამთო–სათხილამურო კურორტმა უკვე უმასპინძლა მოგულის მსპოოფლიო ჩემპიონატს, თებერვალში კი სნოუბორდ–კროსი და სათხილამურო კროსია დაგეგმილი.

მოგულის მსოფლიო ჩემპიონატი კოხტას მთის ტრასაზე გაიმართა. სამთო თხილამურებით დაშვებაში ბორცვებიან ფერდობზე მონაწილეობა 16 ქვეყნის 90 სპორტსმენმა მიიღო.

მონაწილეთა ფართო წარმომადგენლობა ასევე მოსალოდნელია შეჯიბრებებზე, რომლებიც უკვე ახალ, 2024, წელს გაიმართება: 3-4 თებერვალს გუდაურში ჩატარდება სნოუბორდ კროსის მსოფლიო თასის ეტაპი, ხოლო 10-11 თებერვალს ბაკურიანში სათხილამურო კროსის მსოფლიო თასის ეტაპია დაგეგმილი.