სატელეფონო ტერორისტი დაკავებულია

წინა კვირას განსაკუთრებული ყურადღება დაეთმო ქუთაისი-ბარსელონას საერთაშორისო რეისს, რომელიც, ბორტზე ბომბის შესახებ ცრუ შეტყობინების გამო, იძულებული გახდა, აფრენის შემდეგ აეროპორტში დაბრუნებულიყო. სახელმწიფო უსაფრთხოების სამსახურის თანამშრომლებმა დამნაშავე უკვე დააკავეს.

სახელმწიფო უსაფრთხოების სამსახურის თანამშრომლებმა დააზუსტეს, რომ მომხდარის დამნაშავე საქართველოს მოქალაქეა, რომელმაც ქუთაისი-ბარსელონას რეისის W66417 ბორტზე აფეთქების საშიშროების შესახებ ცრუ ზარი სხვისი ტელეფონის ნომრიდან გააკეთა.

თვითმფრინავი, რომელიც ქუთაისის საერთაშორისო აეროპორტში გაფრენიდან 7 წუთში დაბრუნდა, სპეციალისტებმა შეამოწმეს. არანაირი საფრთხეები არ გამოვლენილა. დამნაშავეს ემუქრება 6-დან 9 წლამდე ვადით თავისუფლების აღკვეთა “ტერორიზმის შესახებ ცრუ შეტყობინების” მუხლით.