სეტყვასთან ბრძოლა კახეთში

გასულ შაბათს სეტყვისა და ძლიერი ქარის გამო კახეთში დაზიანდა ვენახები და სასოფლო-სამეურნეო ადგილ-მამულები, ჩამოინგრა სახლების სახურავები, დაზიანდა ელექტროგადამცემი ხაზები. სეტყვის გასანეიტრალებლად კახეთის რამდენიმე მუნიციპალიტეტის სამხედრო სამეცნიერო-ტექნიკური ცენტრის “დელტას” თანამშრომლებმა ხუთსაათნახევარში 140 ათას ჰექტარზე მეტ მიწაზე 423 სეტყვის საწინააღმდეგო რაკეტა გაისროლეს.

ხელისუფლებამ შესთავაზა კახეთის ფერმერებს სეტყვისგან დაზიანებული ყურძნის თითო კილოგრამის 90 თეთრად ყიდვა. დაზიანებულ ყურძენს სახელმწიფო კომპანია შპს “მოსავლის მართვის კომპანია” მიიღებს.