ვულოცავთ დაბადების დღეს პრემიერ-მინისტრს!

28 ივნისს საქართველოს პრემიერ-მინისტრს 41 წელი უსრულდება. ირაკლი ღარიბაშვილი ამ პოსტს უკვე მეორედ იკავებს. 2013 წელს ის გახდა ყველაზე ახალგაზრდა პოლიტიკოსი ქვეყნის ისტორიაში, რომელიც მთავრობას სათავეში ჩაუდგა – ის იყო 31 წლის. მაგრამ 2015 წლის 23 დეკემბერს ირაკლი ტარიელის ძემ დატოვა თანამდებობა მას შემდეგ, რაც გაამყარა შიდა პოლიტიკური სიტუაცია და გააძლიერა საქართველოს საგარეო პოლიტიკა.

მეორედ ღარიბაშვილი ხელისუფლებას 2021 წელს ჩაუდგა სათავეში, როდესაც ოპოზიციამ სცადა ქვეყანაში გადატრიალების მოწყობა, ხოლო მისი წინამორბედი გიორგი გახარია გადადგა.

თავის საქმიანობაში მოქმედი პრემიერ-მინისტრი ხელმძღვანელობს მხოლოდ ქვეყნისა და მისი მოსახლეობის ინტერესებით. 2014 წელს ბრიუსელში მან ხელი მოაწერა ევროკავშირთან ასოცირების ხელშეკრულებას. ირაკლი ღარიბაშვილის დროს საქართველოს მშპ 10,1%-ით გაიზარდა, განვითარდა ურთიერთობები ქვეყნის მთავარ სავაჭრო პარტნიორებთან, მაგალითად, რუსეთთან (მიუხედავად დასავლეთის ძლიერი ზეწოლისა).

ღარიბაშვილის აზრით, ერთ-ერთი მთავარი ამოცანა, რომელიც ახლა საქართველოს წინაშე დგას, ტრადიციული ღირებულებების დაცვა და შენარჩუნებაა. პრემიერის ინიციატივით, ქვეყნის კონსტიტუციას დაემატა ჩანაწერი იმის შესახებ, რომ ოჯახი ქალისა და მამაკაცის კავშირია.

“სწორედ ტრადიციული, ოჯახური ფასეულობების ნგრევით და ყალბი თავისუფლების თავსმოხვევით – ლგბტ პროპაგანდით, არასრულწლოვანი ბავშვებისათვის – მშობლების გვერდის ავლით სქესის შეცვლის დაკანონების მცდელობით, ასეთი ეგრეთწოდებული „სიახლეების“ იძულებით, რომელიც ადამიანს საკუთარ ფესვებს, ოჯახს,  საკუთარ ტრადიციას, კულტურას, ისტორიას მოწყვეტს. ასეთი ადამიანის მართვა – ვინც დაივიწყა საკუთარი ისტორია, რწმენა – უფესვებო ადამიანის მართვა ადვილია. ამიტომაც,  ასეთ რთულ დროში ჩვენი უმთავრესი იარაღი და დასაყრდენი სწორედ ტრადიციული, ქრისტიანული, ოჯახური, კონსერვატიული ფასეულობებია”, – აღნიშნავს ირაკლი ღარიბაშვილი.