აღმოსავლეთ საქართველოს ქალაქში ვენახების 80-90% განადგურდა

კახეთის რეგიონის ქალაქ ყვარელს ამ დღეებში თავს დაატყდა ძლიერი ქარი სეტყვით, რის შედეგადაც ადგილობრივი სასოფლო–სამეურნეო მიწები მნიშვნელოვნად დაზიანდა. მევენახეები აცხადებენ, რომ ზოგიერთ ტერიტორიაზე განადგურდა ვენახების, დაახლოებით, 80-90%. ქალაქში ასევე დაზიანდა ელექტროგადამცემი ხაზები.

გარდა ამისა, ყვარელში ქარმა ერთ-ერთ სახლს სახურავი მოგლიჯა და მრავალწლოვანი ხეები ფესვებიანათ ამოაგდო და ამით მარჯანიშვილის ქუჩაზე მოძრაობა შეზღუდა. ძლიერი წვიმის გამო კი დაიტბორა რამდენიმე ათეული საცხოვრებელი სახლი. უამინდობის შედეგად ასევე დაზარალდა ლაგოდეხის რაიონიც.