არ მოიგო, მაგრამ შესანიშნავად ითამაშა

ჩემპიონთა ლიგის ჯგუფური ეტაპის მეოთხე ტურის შედეგებით, რომელიც იტალიის “ნაპოლიმ” და გერმანიის “უნიონმა” ფრედ 1:1 დაასრულა, საფეხბურთო ექსპერტებმა მაღალი შეფასება მისცეს საქართველოს ნაკრების ნახევარმცველის ხვიჩი კვარაცხელიას შრომას. Flashscore-მ კი ის მატჩში საუკეთესოდაც დაასახელა.

სხვადასხვა საექსპერტო წყაროს მიხედვით, კვარაცხელიამ ამ მატჩში 7.6-დან 8.7 ქულა მიიღო. აღნიშნულია მოთამაშის მიერ შექმნილი საგოლე მომენტების რაოდენობა და შეტევაში მონაწილეობა, რომელმაც მატეო პოლიტანოს “უნიონის” კარებში ბურთის გატანის საშუალება მისცა.

ჯერჯერობით “ნაპოლი” C ჯგუფში შვიდი ქულით მეორე ადგილზეა და პირველობას მხოლოდ მადრიდის “რეალს” უთმობს.