ასკილაშვილი ოლიმპიადაზე მიდის

ძიუდოს საერთაშორისო ფედერაციამ გამოაქვეყნა დამდეგი ოლიმპიადის მონაწილეთა სიები, რომელიც 2024 წელს პარიზში გაიმართება. ჩვენი ქვეყანა შერეული გუნდის 6-ვე სპორტსმენით იქნება წარმოდგენილი. ეთერ ასკილაშვილი საქართველოს ნაკრების შემადგენლობაში როგორც გუნდურ, ასევე ინდივიდუალურ შეჯიბრებებში იასპარეზებს.

საქართველომ 103 970 სალიცენზიო ქულა დააგროვა და მხოლოდ შეჯიბრის მასპინძელ საფრანგეთს ჩამორჩა, რამაც ჩვენს გუნდს ტურნირში მონაწილეობის სპეციალური კვოტების მიღების საშუალება მისცა.

მხოლოდ ძიუდოში მომავალ თამაშებზე იასპარეზებს 186 მამაკაცი და 186 ქალი მთელი მსოფლიოდან.