ავტომობილებს გამონაბოლქვზე შეამოწმებენ

გარემოსდაცვითი ზედამხედველობის დეპარტამენტში ისაუბრეს იმის შესახებ, რომ უკვე 4 სექტემბრიდან თბილისის, რუსთავის, ბათუმისა და ქუთაისის გზებზე დაიწყებენ სატრანსპორტო საშუალებების შერჩევით შემოწმებას დამაბინძურებელი ნივთიერებების გამობოლქვის შესამოწმებლად. შესაბამისი ცვლილებები ტექნიკურ რეგლამენტში საქართველოში ძალაში მიმდინარე წლის 1 იანვრიდან შევიდა.

მავნე ნივთიერებების გადაჭარბებული  შემცველობის დაფიქსირების შემთხვევაში დამრღვევი დაჯარიმდება ადმინისტრაციულ სამართალდარღვევათა კოდექსის შესაბამისად. ფიზიკური პირებისთვის მან შეიძლება, 100-დან 300 ლარამდე შეადგინოს, ხოლო იურიდიული პირებისთვის – 500-დან 1500 ლარამდე.