C ჰეპატიტის მკურნალობის ეფექტურობა საქართველოში 99%-ს შეადგენს.

ჯანდაცვის სამინისტროს მონაცემებით, C ჰეპატიტის ქრონიკულ ფორმაში გავრცელება და რისკის ფაქტორები ქვეყანაში 67%-ით შემცირდა, რისი წყალობითაც საქართველო აღნიშნულ დაავადებასთან ბრძოლაში წამყვან ქვეყანად იქცა. შესაბამისი სახელმწიფო პროგრამა 2015 წელს ამოქმედდა, მის ფარგლებში მკურნალობა 99%-ით ეფექტური აღმოჩნდა.

ჯანდაცვის სამინისტრო გეგმავს 2025 წლის ბოლოსთვის ქვეყანაში C ჰეპატიტის სრულად აღმოფხვრას. C ჰეპატიტის მკურნალობის პროგრამის ამოქმედებიდან მასში 83 183 მოქალაქემ მიიღო მონაწილეობა. ამ ხნის განმავლობაში ქვეყანაში დაავადების არსებობაზე 2,3 მილიონზე მეტ ზრდასრული მოქალაქე შემოწმდა, ქრონიკული ინფექცია დაუდასტურდა 96 ათას ადამიანს.