წმინდა ნიკოლოზ საკვირველმოქმედის დღე

19 დეკემბერს საქართველოს მართლმადიდებელი ეკლესია აღნიშნავს წმინდა ნიკოლოზ საკვირველთმოქმედის დღეს. ის ქართველთა შორის ერთ-ერთი ყველაზე პატივსაცემი წმინდანია და მას ქვეყანაში მრავალი ტაძარი ეძღვნება – მხოლოდ თბილისში ნათი რიცხვი ხუთია. წმინდანის პატივსაცემად სადღესასწაულო წირვა საქართველოში არსებულ ყველა ეკლესიაში აღევლინება.

ნიკოლოზი 1700 წლის წინ ცხოვრობდა, მაგრამ მისი ხსოვნა ყველა ქრისტიანის გულში ცოცხლობს. ეს მეტყველებს იმაზე, თუ რამდენად ძლევამოსილად და ქმედითად ცხოვრობს ადამიანი სიკვდილის შემდეგ, თუ ის წმინდაა. თუ ის ღმერთთანააб ხოლო ღმერთი მასთანაა!

ის განუწყვეტლივ მოქმედებდა სიცოცხლის განმავლობაში და აგრძელებს მოქმედებას სიკვდილის შემდეგაც! მაგალითად, მან გადაარჩინა ქალაქი მირა საშინელი შიმშილისგან ქრისტესთვის მხურვალე მოწოდებით, ამშვიდებდა ქარიშხლებს ზღვაში, მკურნალობდა განუკურნებელ დაავადებებსა და არჩენდა უდანაშაულო ხალხს სიკვდილით დასჯისგან.

დღეს ადამიანები მიმართავენ მას დახმარებისთვის მთელ მსოფლიოში ყველაზე უიმედო და გადაუჭრელ სიტუაციებში – როგორც სულიერ, ისე ყოველდღიურ, და ლოცულობენ ცოდვების მიტევებისთვის.

საინტერესოა თვით ნიკოლოზის გამოსახულებაც – ყურადსაღებია, რომ მას ხელში სახარება უჭირავს. რამდენი ხნის წინ გადაიკითხეთ ეს წიგნი, მოახერხეთ თუ არა მისი წაკითხვა არა მხოლოდ გონებით, არამედ გულითაც?

წმინდა ნიკოლოზ საკვირველთმოქმედს მხოლოდ სცემენ პატივს არა მხოლოდ ჩვენს ქვეყანაში. მისი ხსოვნის დღეს მართლმადიდებელი რუსებიც იკრიბებიან ტაძრებში სადღესასწაულო წირვაზე. მაგალითად, მოსკოვში წმინდანის წმინდა ნაწილები ინახება 25 ეკლესიაში.