დაიწყო “ლეგენდების სერიის” ბილეთების გაყიდვა

tkt.ge-ზე დაიწყო ბილეთების გაყიდვა ჩვენი ქვეყანის წლის ერთ-ერთ ყველაზე მოსალოდნელ სპორტულ ღონისძიებაზე: 7 მარტს ბათუმში საქართველოს ნაკრების ლეგენდები „აჭარაბეთის“ სტადიონის მოედანზე მილანის „ინტერის“ ვეტერანებს შეხვდებიან. ახალი პროექტი Legend Series აერთიანებს სხვადასხვა თაობის საუკეთესო ფეხბურთელებს.

ჩვენს ქვეყანას მომავალ მატჩში წარადგენენ ყველა დროის საუკეთესო ბომბარდირი შოთა არველაძე, ყველაზე ტიტულოვანი ქართველი ფეხბურთელი კახა კალაძე, ეროვნული ნაკრების რეკორდსმენი ლევან კობიაშვილი, გიორგი ქინქლაძე და თემურ ქეცბაია.

მეტოქე გუნდში ითამაშებენ „ოქროს ბურთის“ მფლობელი ლუის ფიგუ და მსოფლიო ჩემპიონი მარკო მატერაცი. გუნდის კაპიტანი ლეგენდარული ხავიერ ძანეტი იქნება.