დასავლეთ საქართველოში ურმის ფორმის ბიბლიოთეკა გაიხსნება

საქართველოს პარლამენტის ეროვნული ბიბლიოთეკის მოძრაობა “ეკვილიბრიუმის” ფარგლებში ოზურგეთის მუნიციპალიტეტის სოფელ ვაკიჯვარში ურმის ფორმის ბიბლიოთეკა გაიხსნება. “ეკვილიბრიუმის” ხელმძღვანელი არის პარლამენტის ბიბლიოთეკის თავმჯდომარე გიორგი კეკელიძე, რომელიც ქართული დიასპორის წარმომადგენლებთან თანამშრომლობით აქტიურად უწყობს ხელს ქართული კულტურის განვითარებას როგორც საქართველოში, ასევე მის ფარგლებს გარეთ.

“ეკვილიბრიუმის” ეგიდით ქართულ ქალაქებსა და სოფლებში გაჩნდა თავისებური თემატური ფორმის ბიბლიოთეკები. ასე, სამტრედიაში გაიხსნა ველოსიპედის ფორმის ბიბლიოთეკა, ჭიათურში – ვაგონის ფორმის ბიბლიოთეკა, თელავში – კასრის ფორმის ბიბლიოთეკა, შუხუთში – ლელოს ფორმის ბიბლიოთეკა, ბათუმში – გემის ფორმის ბიბლიოთეკა. მსგავსი უნიკალური ნაგებობების ნახვა საქართველოს სხვა ქალაქებშიც შეიძლება.