დედაქალაქში გაიხსნა მულტიმედიური გამოფენა

10 თებერვლამდე თბილისის ფოტოგრაფიისა და მულტიმედიის მუზეუმში სასტუმრო “სტამბაში“ ტარდება მულტიმედიური გამოფენა “შეხვედრის ადგილი: მთები“. მასში წარმოდგენილია ცხრა ქართველი ფოტოგრაფისა და მხატვრის, ლიეტუველი მკვლევარისა და ანთროპოლოგის დევის კენეპეს ნამუშევრები. გამოფენაზე შესვლა უფასოა.

ეს არის მხატვრული რეზიდენციის პროგრამის “შეხვედრის ადგილი: მთები”-ს დასკვნითი გამოფენა, რომელიც 2023 წელს, თბილისის ფოტოფესტივალის ინიციატივით, მთიან აჭარაში გაიმართა.

2023 წლის ზაფხულში გარდაცვლილი ახალგაზრდა ბათუმელი ფოტოგრაფის ანრი ტაბაღუას ხსოვნისთვის მიძღვნილი გამოფენა აჭარის სანაპიროზე გადაღებულ ფოტოებსაც მოიცავს.