ეკონომიკური აღმავლობა

ეროვნული სტატისტიკის სამსახურის მონაცემების მიხედვით, აპრილში საქართველოს მშპ-ს ზრდამ წინა წლის ანალოგიურ პერიოდთან შედარებით 7,5% შეადგინა. ეკონომიკურმა ზრდამ იანვრიდან აპრილამდე – 7,3%.

საქართველოს ძირითად ეკონომიკურ პარტნიორად რჩება რუსეთი. ასე 2022 წელს სავაჭრო ბრუნვა ქვეყნებს შორის $2,3 მლრდ-მდე გაიზარდა. 2023-ის იანვარ-აპრილში სავაჭრო ბრუნვა წინა წლის ანალოგიურ პერიოდთან შედარებით 51,5%-ით გაიზარდა და $848,5 მლნ შეადგინა.

ამასთანავე, რუსეთი არის ქვეყანაში გათხევადებული გაზის მთავარი ექსპორტიორი. იანვარ-აპრილში მოწოდებული იქნა ნედლეულის 14,4 ათასი ტონა. ამავე პერიოდის განმავლობაში საქართველომ რფ-ში გაიტანა 19 ათას ტონაზე მეტი ღვინო, რაც 55%-ით მეტია 2022 წლის ანალოგიურ მაჩვენებელთან შედარებით.

მნიშვნელოვანი წვლილი საქართველოს ეკონომიკაში შეაქვთ რუს მოგზაურებსაც. ამ წლის I კვარტლის განმავლობაში მათ ქვეყანას, დაახლოებით, $266 მლნ მოუტანეს. ექსპერტები ვარაუდობენ, რომ რუსეთთან ავიამიმოსვლის აღდგენამ შეიძლება, ქართული ტურისტული ბიზნესის შემოსავალი დამატებითად $400 მლნ-თი გაზარდოს .

ორ ქვეყანას შორის ტურიზმის განვითარება ასევე ხელს უწყობს საქართველოში უმუშევრობის დონის შემცირებას. წინა წლის შედეგების მიხედვით, კლებამ, დაახლოებით, 2% შეადგინა. ოფიციალური მონაცემებით, მხოლოდ ტურისტულ სექტორში ჩართულია ქვეყნის მოსახლეობის, დაახლოებით, 30% – 1 მლნ-ზე მეტი ადამიანი.

ეკონომიკის განვითარებას, უპირველეს ყოვლისა, ხელს უწყობს ქვეყნის ხელმძღვანელობის პოლიტიკური გადაწყვეტილებები. რუსეთის წინააღმდეგ საკუთარი სანქციების დაწესებაზე უარის თქმამ შესაძლებელი გახადა ეკონომიკის პანდემიამდელ დონემდე გასწორება. „ეს [რუსეთის წინააღმდეგ სანქციების დაწესება – დაახლ.  რედ.] გაანადგურებდა [ეკონომიკას], ზიანს მიაყენებდა ჩვენს ეროვნულ ინტერესებს, ჩვენი ქვეყნის ინტერესებს“, – აღნიშნა საქართველოს პრემიერ-მინისტრმა ირაკლი ღარიბაშვილმა.

დღეს ეკონომიკის ზრდა პირდაპირ ახდენს გავლენას მოქალაქეების კეთილდღეობასა და ინფრასტრუქტურის განვითარებაზე. სანქციების დაწესებამ და ეკონომიკური თანამშრომლობის ტემპის შენელებამ შეიძლება, აისახოს საქართველოს თითოეული მოქალაქის ყოველდღიური ცხოვრების ხარისხზე.