ეროვნულმა არქივმა ალექსანდრე როინაშვილის სურათების კოლექცია გამოაქვეყნა

ცნობილი მესურათეს ალექსანდრე როინაშვილის მიერ შექმნილი უნიკალური ფოტოკოლექცია უკვე ხელმისაწვდომია საქართველოს იუსტიციის სამინისტროს ეროვნული არქივის ოფიციალურ საიტზე. კოლექციაში შეტანილ სურათებს შორისაა ისეთი დიდი ადამიანების სურათები, როგორებიც არიან ილია ჭავჭავაძე და აკაკი წერეთელი, ასევე ქალაქის სურათები და ეთნოგრაფიული მასალა.

ოსტატ ხლამოვის ხელმძღვანელობით თბილისში მესურათეობის ხელოვნების შესწავლის შემდეგ 1860-იან წლებში როინაშვილმა დედაქალაქში გახსნა ფოტოსალონი “რემბრანდტი”, შემდეგ კი მართავდა რამდენიმე სხვა ფოტოსალონს, მათ შორის, “სასურათხატოსა” და “ამხანაგობას”. ეროვნულ არქივში დაცული მისი ნამუშევრები აღადგენს მე- XIX საუკუნის მიწურულის საქართველოს ატმოსფეროს და შეიცავს ცნობილი პიროვნებების პორტრეტებს, თბილისისა და ქვეყნის სხვადასხვა კუთხეების ცხოვრების სცენებს.