განათლების სამინისტროს 2024 წლის გეგმები

2024 წელს განათლებისა და მეცნიერების სამინისტროს ბიუჯეტი 2,5 მილიარდი ლარი გახდება, რაც 2012 წელთან შედარებით 300%-ით მეტია. 75 ახალი საჯარო სკოლის მშენებლობაზე 700 მილიონი ლარი დაიხარჯება. 2024 წლის 1 ივლისიდან მასწავლებელთა ხელფასები გაიზრდება, მაგალითად, სრულ განაკვეთზე მომუშავე პედაგოგები მინიმუმ 500 ლარით მეტს მიიღებენ.

ახალი სასწავლო წლიდან სტიპენდიანტი სტუდენტების რაოდენობა გაორმაგდა – 2,5-დან 5 ათას ადამიანამდე. გაიზარდა სტიპენდიის ოდენობაც – ოქტომბრიდან ივლისის ჩათვლით თვეში 150-დან 300 ლარამდე. გარდა ამისა, საქართველოს მთავრობამ შეჩერებული სტატუსის მქონე სტუდენტებს ფინანსური დავალიანება მოუხსნა. რის შედეგად, სახელმწიფო და კერძო უნივერსიტეტების 27 ათას სტუდენტს შეუძლია სტატუსის აღდგენა და სწავლის გაგრძელება.