გუდაურში ახალი საბაგიროები გაჩნდება

2023-2024 წლის ზამთრის სეზონისთვის სამთო-სათხილამურო კურორტ გუდაურში ააშენებენ ორ ახალ საბაგირო სისტემას გამტარუნარიანობით 1800-2400 მგზავრი საათში. ეს იქნება სავარძლის ტიპის ექვსადგილიანი საწეველები. საბაგირო გზების სიგრძე 1 249 და 1 369 მეტრს შეადგენს, ხოლო მოქმედ 70-კილომეტრიან ტრასას 6 კილომეტრი დაემატება.

შეგახსენებთ, რომ საქართველოს სამთო-სათხილამურო კურორტები გუდაური და ბაკურიანი არჩეული იქნა საერთაშორისო სათხილამურო ფედერაციის მიერ საერთაშორისო დონის ზამთრის სპორტის მსოფლიო თასის ყოველწლიური ეტაპების ჩასატარებლად. უახლოეს ზამთრის სეზონზე გუდაურში ჩატარდება მსოფლიო თასის ეტაპები სნოუბორდ კროსის დისციპლინაში.