გურეშიძე ძიუდოს მსოფლიო ჩემპიონია

პორტუგალიის ქალაქ ოდიველასში ძიუდოს ახალგაზრდული მსოფლიო ჩემპიონატი დასრულდა. როგორც საქართველოს ძიუდოს ფედერაცია იუწყება, +100 კგ წონით კატეგორიაში ფინალურ მატჩში ჩვენი ქვეყნის წარმომადგენელმა შალვა გურეშიძემ თურქი მეტოქე დაამარცხა და ოქროს მედალი მოიპოვა. სპორტსმენი ასევე ევროპის მოქმედი ჩემპიონია.

ვიცე-ჩემპიონად შეჯიბრზე ალექსანდრე ლოლაძე გახდა, რომელმაც 81 კგ წონით კატეგორიაში ვერცხლი მოიპოვა. ვულოცავთ!