ქართველი მწერალი საერთაშორისო ლიტერატურული კონკურსის ფინალში მოხვდა

მწერალი ანასტასია ხატიაშვილი გავიდა მე-12 საერთაშორისო კონკურსის “ღია ევრაზიის” ფინალში. მისი ინგლისურენოვანი მოთხრობა “ჩემი ვერსალი” (“My Versailles”) გახდა ერთ–ერთი საუკეთესო 24 ქვეყნის მონაწილეთა შორის კატეგორიაში “მცირე პროზა“. კონკურსი ტარდება საერთაშორისო ლიტერატურული ფესტივალის Open Eurasian Literature Festival & Book Forum-ის ფარგლებში, რომელიც 2012 წლიდან იმართება.

წელს ფესტივალი ორ ადგილას გაიმართება: 25-დან 30 სექტემბრის ჩათვლით ყაზახეთის საკურორტო სოფელ ბოროვოიეში, სადაც გამოცხადდებიან კონკურსის გამარჯვებულები, და 27-დან 29 ოქტომბრის ჩათვლით გლაზგოში და კუნძულ ბიუტზე შოტლანდიაში.

ანასტასია ხატიაშვილი არის მწერალი, ჟურნალისტი, თარჯიმანი და პოეტი. მის ნამუშევრებს შორისაა რომანი “საუკეთესო, რაც არ გამაჩნია” და მოთხრობების კრებული “საქართველო ასეთი საქართველო”.