ქრისტეს შობა

7 იანვარს საქართველო ერთ-ერთ უმნიშვნელოვანეს და გამორჩეულ მართლმადიდებლურ დღესასწაულს, ქრისტეს შობას აღნიშნავს.

საქართველოში ქრისტიანობას უძველესი ფესვები აქვს, რომელიც მოციქულ ანდრია პირველწოდებულისა და სიმონ კანანელის ამ ქვეყნებში ჩამოსვლასთან არის დაკავშირებული – ისინი ქადაგებდნენ იესოს რწმენას ქვეყნის დასავლეთში. ქრისტიანობა ოფიციალურ რელიგიად მას შემდეგ გამოცხადდა, რაც წმინდა ნინომ მეფე მირიან III და დედოფალი ნანა გააქრისტიანა.

ლეგენდის თანახმად, 319 წლის 6 მაისს წმინდა ნინომ მირიან III სიბრმავისგან განკურნა. ამის შემდეგ მან საქართველოში ქრისტიანობა ოფიციალურ რელიგიად გამოაცხადა და 324 წელს მოსახლეობა მტკვარში მონათლა.

დღეს ქვეყნის მოსახლეობის 90%-ზე მეტი მართლმადიდებლობას აღიარებს და საქართველოს სამოციქულო ავტოკეფალური მართლმადიდებელი ეკლესიის განსაკუთრებული როლი ქვეყნის ისტორიაში და სახელმწიფოსგან დამოუკიდებლობა დაფიქსირებულია კონსტიტუციაში.

სწორედ ამიტომ არის ქართველებისთვის ქრისტეს შობის დღესასწაული ასე მნიშვნელოვანი. ყველა მართლმადიდებლურ ტაძარში საზეიმო წირვა-ლოცვა აღევლინება და ოჯახები ერთად შეიკრიბებიან გაშლილ სუფრასთან.

სადღესასწაულო წირვა ქართულ ენაზე სხვა ქვეყნებშიც აღევლინება. რუსეთში, რუსეთისა და საქართველოს მართლმადიდებლური ეკლესიების შეთანხმების თანახმად, ისინი მოსკოვის წმინდა გიორგის ტაძარში გაიმართება, რომელიც ადგილობრივი დიასპორის სულიერ ცენტრად ითვლება.