მებაჟეებმა კვლავ აღკვეთეს ოქროს კონტრაბანდის მცდელობა

საქართველოს ფინანსთა სამინისტროს შემოსავლების სამსახურში ისაუბრეს ჩვენი ქვეყნის ტერიტორიაზე არადეკლარირებული ოქროს ნაკეთობების შემოტანის მორიგი წარუმატებელი მცდელობის შესახებ. ამჯერად  სამართალდამრღვევს ჩამოართვეს 142,4 ათასი ლარის ღირებულების 403,28 გრამი ძვირფასეულობა.

მოქმედების ადგილი კვლავ გახდა საბაჟო გამშვები პუნქტი “სარფი”, სადაც გააჩერეს კერძო ავტომობილში მყოფი უცხო ქვეყნის მოქალაქე. სწორედ სატრანსპორტო საშუალებაში აღმოაჩინეს ოთხ შეფუთვაში დაფასოებული ოქრო. ინფორმაცია სამართალდამრღვევთა შესახებ უკვე გადაეცა ფინანსთა სამინისტროს საგამოძიებო სამსახურს შემდგომი რეაგირებისთვის.