მსროლელთა ქართველმა წყვილმა საქართველოს ისტორიული გამარჯვება მოუტანა

პირველად ისტორიაში საქართველოს ნაკრები გახდა კონტინენტის ჩემპიონატის ოქროს მედლის მფლობელი შერეულ წყვილებს შორის პნევმატიკური იარაღიდან ათ მეტრში სროლაში. ფინალში მარიამ ფროდიაშვილმა და გიორგი მუმლაძემ გერმანელ წყვილს სელინ ბეკერსა და ედუარდ ბაუმეისტერს ანგარიშით 17:15 მოუგეს.

პნევმატიკური იარაღიდან სროლაში ევროპის მიმდინარე ჩემპიონატზე საქართველოდან ბევრი ნიჭიერი სპორტსმენი ასპარეზობს: ნინო სალუქვაძე, ლიზი კილაძე, მარიამ მარშავა, ლევან ქადაგიძე, ცოტნე მაჭავარიანი, აკაკი მოსულიშვილი, მარიამ ფროდიაშვილი, სალომე ფროდიაშვილი, მარიამ აბრამიშვილი, გიორგი მუმლაძე, იოანე ხვარეშია და შოთა სუმბაძე.

ტურნირზე გათამაშდება ოლიმპიური საგზურები მამაკაცებში და ქალებში პნევმატიკური შაშხანიდან და პისტოლეტიდან სროლაში.