მთელი ქვეყნის მასშტაბით მშობიარობა უფასოა

ჯანდაცვის სამინისტრომ განაცხადა, რომ საყოველთაო ჯანდაცვის პროგრამის ფარგლებში სახელმწიფო სრულად აფინანსებს ბუნებრივ მშობიარობასა და საკეისრო კვეთას საქართველოს ყველა მოქალაქისთვის. ქალებს ეძლევათ ექიმისა და ტკივილგამაყუჩებლების უფასო არჩევანი, საჭირო მედიკამენტები, კვება და მშობიარობასთან დაკავშირებული სხვა ხარჯები. დაფინანსებული სერვისების ჩამონათვალში არ შედის საკეისრო კვეთა ჩვენებების გარეშე და VIP პალატის მომსახურება.

ამასთანავე, ქვეყნის ყველა სამედიცინო დაწესებულებაში ტარიფები ერთნაირია. ქვეყანაში საკეისრო კვეთის შემცირების მიზნით, გათანაბრდა ბუნებრივი მშობიარობისა და საკეისრო კვეთის ფასები, რათა სამედიცინო პერსონალი არ იყოს მოტივირებული ორსულებისთვის საკეისრო კვეთის ჩატარებაზე. ადრე ბუნებრივ მშობიარობაზე 600 ლარი იყო გამოყოფილი, საკეისრო კვეთისთვის კი – 750.