მთის გზებზე ზამთრის საბურავების არქონისთვის ჯარიმა იქნება

2024 წლის 1 იანვრამდე საქართველოს მთავრობა გეგმავს საგზაო მონაკვეთების განსაზღვრას, სადაც 1 დეკემბრიდან 1 მარტამდე პერიოდში ზამთრის საბურავების გამოყენება სავალდებულო იქნება. “საგზაო მოძრაობის რეგულირების შესახებ” კანონში ცვლილებები ითვალისწინებს ზამთრის საბურავების გამოყენების ვადის მოქნილობას ამინდის პირობებიდან გამომდინარე და ასევე პოლიციის უფლებას, მოითხოვოს მოცურების საწინააღმდეგო ჯაჭვების გამოყენება სპეციალურ მეტეოროლოგიურ პირობებში.

საბურავებისა და ჯაჭვების პარამეტრები, ასევე მათი შესაბამისობის წესი განისაზღვრება საქართველოს შინაგან საქმეთა სამინისტროს ბრძანებით. ამ წესის დამრღვევთათვის გათვალისწინებულია 100 ლარის ოდენობის ჯარიმა და მართვის მოწმობაზე 100 შესაძლოდან 5 ქულის დაკარგვა, პოლიციის მიერ გადაადგილების აკრძალვისა და ავტომობილის სპეციალურ სადგომზე გადაყვანის შესაძლებლობით.