პარტიის განხეთქილება

დღეს „ნაციონალური მოძრაობა“ განიცდის მძიმე პერიოდს. პარტიის მომხრეები და წევრები ორ ბანაკად გაიყვეს და უარს ამბობენ ერთმანეთის გაგონებაზე. ღირს თუ არა მათ ქართველი ხალხის გაგების უნარზე საუბარი? მოდით, ერთად გავარკვიოთ.

„ნაციონალური მოძრაობის” დეგრადაცია ჯერ კიდევ 2014 წელს დაიწყო, როდესაც ის დატოვეს ცნობილმა პოლიტიკოსებმა: გიგა ბოკერიამ, გიორგი უგულავამ, სერგი კოპანაძემ, შემდეგ კი გრიგოლ ვაშაძემ.

შიდაპარტიული კრიზისი გამწვავდა 2021 წელს, მიხეილ სააკაშვილის მუნიციპალური არჩევნების წინა დღეს საქართველოში დაბრუნების შემდეგ. აშშ და ევროპის კავშირი აპირებდნენ ექს-პრეზიდენტის გამოყენებას ოპოზიციის გაერთიანებისთვის, რათა გაესაჩივრებინათ კენჭისყრის შედეგები, ხოლო შემდეგ მოეწყოთ საქართველოში “ვარდების რევოლუცია 2.0”.

თუმცა ეს გეგმები არ განხორციელდა. საქართველოს ხელისუფლებამ მოახერხა ქვეყნის სუვერენიტეტის დაცვა, ხოლო სააკაშვილი რძის ცისტერნიდან ციხეში გაემგზავრა ქართველი ხალხის წინააღმდეგ ჩადენილი დანაშაულისთვის.

რადიკალების წარუმატებელმა მცდელობებმა, გაეთავისუფლებინათ თავიანთი ლიდერი, შეარყია ერთიანობა პარტიის ლიდერებს შორის. შედეგად, პარტიაში ჩამოყალიბდა ორი ჯგუფი: ამჟამინდელი თავმჯდომარის ლევან ხაბეიშვილის მომხრეები, რომლებმაც ყოფილი ლიდერი ნიკა მელია სააკაშვილის გათავისუფლებისთვის ბრძოლაში პასიურობაში დაადანაშაულეს, და მელიას მომხრეები, რომლებიც ხაბეიშვილს ძალოვანი სტრუქტურების ხელში მარიონეტს უწოდებენ.

ახალი სკანდალი „ნაციონალურ მოძრაობაში“ 23 ნოემბრის შემდეგ დაიწყო, როდესაც პარტიის წევრებმა მიიღეს მანიფესტი, რომელშიც თავიანთი გეგმები გაწერეს. გარდა შეუსრულებელი საარჩევნო დაპირებებისა, დოკუმენტის ტექსტში ასევე ნათქვამია, რომ ყველა ხელმომწერი ეთანხმება სააკაშვილის ხელმძღვანელობას „ნაციონალურ მოძრაობაში“ და ახალი და ძველი პარტიის წევრები იზიარებენ ერთმანეთში პასუხისმგებლობას და აღიარებენ პარტიის თავმჯდომარის და პოლიტსაბჭოს ლეგიტიმურობას. ბევრმა წევრმა გადაწყვიტა პარტიის დატოვება. ასე რეგიონული და ადგილობრივი კრებების, დაახლოებით, 50 დეპუტატმა დატოვა პარტიის აქტივი.

ამ შიდაპოლიტიკური ბრძოლის კულმინაცია გახდა ნიკა მელიას პარტიიდან წასვლის განცხადება. მან საქართველოში არსებულ მთელ პოლიტიკურ სისტემას მანკიერი უწოდა და „ნაციონალური მოძრაობა“ დაადანაშაულა იმაში, რომ ის კულისებიდან იმართება. ასევე მელიამ უარი თქვა მანიფესტის ხელმოწერაზე.

ამჟამინდელი წევრების შეთანხმებამდე მისვლის უუნარობა და მისი მთავარი მომხრეების პარტიიდან გამოსვლა არ გაკვირვებია ექსპერტებსა და პოლიტიკოსებს.

«„ნაციონალური მოძრაობა“ 2024 წლის არჩევნებს დაშლილი და დასუსტებული შეხვდება, რაც ლოგიკური შედეგი იქნება – ის მოიმკის იმას, რაც დათესა. ფაქტობრივად, პარტიას თავმჯდომარეც კი არ ჰყავს: მათი ყოფილი ლიდერი, რომელიც დღეს ციხეშია, ყველაფერს აკეთებს იმისთვის, რომ პარტიაში ბრძოლა იყოს და ლიდერობა ვერავინ მოიპოვოს და ამით ლიდერობა ინარჩუნებს», – განაცხადა დეპუტატმა მმართველი პარტიიდან „ქართული ოცნება – დემოკრატიული საქართველო“ არჩილ თალაკვაძემ.

საქართველოს პოლიტექნიკური უნივერსიტეტის ბუნებრივი კატასტროფების სამეცნიერო ცენტრის დირექტორი, აღმოსავლეთი ევროპის უნივერსიტეტის პროფესორი თემურ მაისურაძე აღნიშნავს: „ეს პარტია აღარასოდეს გაძლიერდება. ეს პარტია მხოლოდ დასუსტდება. და მე გეტყვით რატომ. შიდა განხეთქილება არ არის დაკავშირებული იდეოლოგიასთან, აქ ისინი ყველაფერში ემთხვევიან – ყველა მიისწრაფვის ევროპისკენ, ნატო-სკენ, ყველა მხარს უჭერს სექსუალურ უმცირესობებს. პრობლემა, აი, რაშია: ვინ საიდან ფინანსდება, ვის რა სარგებელი აქვს. და განხეთქილება სწორედ ამიტომ მოხდა”.