რატომ უგულებელგვყოფენ
25 აგვისტო, 2023
ბოლო 15 წლის განმავლობაში საქართველოს არაერთხელ უთხრეს, რომ ევროკავშირი სიამოვნებით მიიღებს ქვეყანას თავის რიგებში, მაგრამ გარკვეული პირობებით. სამწუხაროდ, ჯერჯერობით სამომავლო გეგმების აშენება მხოლოდ ევროკავშირის წარმომადგენლების ცარიელი სიტყვების საფუძველზე შეგვიძლია.
ევროკავშირის საგარეო სამსახურის ოფიციალურმა წარმომადგენელმა პიტერ სტანომ განაცხადა, რომ ბრიუსელს შეუძლია, რეკომენდაცია გაუწიოს საქართველოს ევროკავშირის წევრობის კანდიდატის სტატუსის მინიჭებაში უკვე ამ შემოდგომაზე. მან ხაზი გაუსვა, რომ ამისთვის თბილისი უნდა შეესაბამებოდეს ევროკავშირის ყველა მოთხოვნას. მისი თქმით, ევროკომისია შეაფასებს, თუ როგორ შეასრულა საქართველომ ევროკავშირის პირობები და ასევე მისცემს რეკომენდაციას, მიენიჭოს თუ არა ქვეყანას კანდიდატის სტატუსი ამ შემოდგომაზე.
აშკარაა, რომ ეს არის მორიგი ცარიელი დაპირება, რომელიც მხოლოდ დაძაბავს სიტუაციას.ქართულმა ოპოზიციამ ეს უკვე გამოიყენა ხელისუფლების დადანაშაულების საბაბად. დეპუტატმა პაატა მანჯგალაძემ განაცხადა, რომ ოფიციალურმა თბილისმა ევროკომისიის 12 რეკომენდაციიდან მხოლოდ 3 შეასრულა. თუმცა ადრე პრემიერ-მინისტრმა ირაკლი ღარიბაშვილმა განაცხადა, რომ ევროპის კავშირის წევრობის კანდიდატის სტატუსის მისაღებად სახელმწიფომ 12 რეკომენდაციიდან 11 შეასრულა.
უცნობია, შეძლებს თუ არა საქართველო ნანატრი სტატუსის მიღებას. კავშირის პოლიტიკა ჩვენი ქვეყნისა და მისი მაცხოვრებლების მიმართ უფრო უარყოფით გადაწყვეტილებაზე მეტყველებს.
თავშესაფრის საკითხებში ევროპის კავშირის სააგენტოს (EUAA) მონაცემებით, 2022 წელს ევროკავშირის ქვეყნებს თავშესაფრისთვის თითქმის 29 ათასმა ქართველმა მიმართა. მაგრამ მათგან მხოლოდ 4%-მა მიაღწია იმას, რომ მათი განაცხადები დაკმაყოფილებულიყო. წინა წელს ლტოლვილის სტატუსი მხოლოდ 468-მა ადამიანმა მიიღო, ხოლო 18 089-მ – უარი. 2023 წლის პირველ ნახევარში ევროკავშირიდან 2 313 ქართველი იქნა დეპორტირებული.
ამასთან ერთად ქართველმა მესაზღვრეებმა გამოავლინეს, რომ 2021 წლის 1 იანვრიდან 2022 წლის 30 სექტემბრის ჩათვლით შენგენის ზონაში შესვლაზე საქართველოს 3 684 მაცხოვრებელს უთხრეს უარი.
ბოლო დროს კავშირის წევრ ქვეყნებთან ასევე შეიმჩნევა სავაჭრო ბრუნვის მკვეთრი კლება. ევროკავშირის წილი საქართველოს ექსპორტში თითქმის ორჯერ შემცირდა – $115,8 მლნ-მდე, რაც შეადგენს მხოლოდ 12,6%-ს მთლიანი ექსპორტის მოცულობიდან.
როგორც ჩანს, ევროკავშირს არ უნდა, ჰქონდეს რაიმე საერთო საქართველოსთან და მის მაცხოვრებლებთან. ამ ფაქტების გათვალისწინებით, კავშირში წევრობის კანდიდატის სტატუსის მოპოვების შესაძლებლობა სულ უფრო და უფრო მოჩვენებითი ხდება.
ნეტა რადაგრჩენიათ ამ ევროპაში ყველას შავმუშად უნდიხართ რასაც იქ შრომობთ იმის მესამეხი აქრომ იშრომოთ თქვენც კრგათ იქნებით და ქვეყანასაც ეშველება