როგორ ჩაიარა შოკოლადის ფესტივალმა

გასულ შაბათ-კვირას დედაქალაქის ეროვნულ ბოტანიკურ ბაღში უკვე 5-ედ გაიმართა საახალწლო შოკოლადის ფესტივალი, სადაც სტუმრებს ახალი შიდა წარმოების ტკბილეული შესთავაზეს. 12-დან 19 საათამდე აქ იმართებოდა კონცერტები, მასტერკლასები და ღონისძიებები ბავშვებისთვის.

სპეციალურად ფესტივალის სტუმრებისთვის კონდიტერმა ვაჟა წულუკიძემ ჩაატარა შოკოლადის ჩურჩხელის დამზადების მასტერკლასი. ასევე გაიმართა საახალწლო გვირგვინების დამზადების სადღესასწაულო მასტერკლასი. დღესასწაულის მუსიკალური განწყობა შექმნეს დრამერებმა მაკნატუნას ფერადი კოსტიუმებით.