როგორ შეიცვალა საქართველოს საგარეო ვაჭრობა?

“საქსტატი“ იუწყება, რომ 2023 წლის იანვრიდან სექტემბრის ჩათვლით საქართველოს საგარეო სავაჭრო ბრუნვამ თითქმის $16 მლრდ შეადგინა, რაც 16,6%-ით მეტია 2022 წლის ანალოგიურ პერიოდთან შედარებით. იმპორტი 18,3%-ით გაიზარდა და $11,3 მლრდ შეადგინა, ხოლო ექსპორტი 12,7%-ით გაიზარდა და $4,6 მლრდ შეადგინა.

ამასთანავე, საქართველოს უარყოფითმა სავაჭრო ბალანსმა ცხრა თვის განმავლობაში $6,7 მლრდ შეადგინა – თითქმის 22,5%-ით მეტი წინა წლის ანალოგიურ პერიოდთან შედარებით.

შეგახსენებთ, რომ 2022 წელს საქართველოს საგარეო სავაჭრო ბრუნვამ $19 მილიარდზე მეტი შეადგინა, ხოლო 2021 წელთან შედარებით მისმა ზრდამ 32,8% შეადგინა.