საქართველო საუკეთესოა ბატუტზე ხტომაში

საქართველოს ტანვარჯიშის ფედერაციის წარმომადგენლებმა ისაუბრეს პორტუგალიაში გამართულ ევროპის ჩემპიონატზე ქალთა ახალგაზრდული ნაკრების წარმატების შესახებ. ჩვენი გოგონები კონტინენტის პირველობიდან ბატუტზე ხტომის გუნდური შეჯიბრის ჩემპიონებად ბრუნდებიან. ვულოცავთ!

გუნდური შეჯიბრის ოქროს მედლები ჩვენი ქვეყნისთვის მოიპოვეს ნინო ქორიძემ, ანა ლაპიაშვილმა და მაია ბოჭორიძემ. კვალიფიკაციაში მიღებულმა 276.00 ქულამ მათ პირველი ადგილის დაკავების საშუალება მისცა, რაშიც ქართველ გოგონებს ტოლი არ ჰყავდათ.