ვალუტის ოფიციალური კურსი
USD2.650.00%
EUR2.87–0.04%

საქართველოს 2023 წლის საუკეთესო მასწავლებელი გამოვლინდა

13 ოქტომბერი, 2023

მასწავლებლის საერთაშორისო დღესთან დაკავშირებით საქართველოში მასწავლებლის ეროვნული დაჯილდოების ცერემონია გაიმართა. საქართველოს 2023 წლის საუკეთესო მასწავლებლის წოდება და 15 ათასი ლარის ოდენობის ფულადი ჯილდო გორის მე-8 საჯარო სკოლის ბიოლოგიის მასწავლებელმა ნინო ფსუტურმა მიიღო. გამარჯვებულს პრიზი განათლების მინისტრმა გიორგი ამილახვარმა პირადად გადასცა.

მასწავლებლის ეროვნული ჯილდო საქართველოში 2017 წლის 13 მაისს დაარსდა და მას შემდეგ ტრადიციულად საუკეთესო მასწავლებლებს გადაეცემა. შეგახსენებთ, რომ ყოველწლიურად მასწავლებლის ეროვნული დღე ჩვენს ქვეყანაში 27 სექტემბერს აღინიშნება – სწორედ ამ დღეს დაიბადა ქართველი პედაგოგი, საქართველოში სამეცნიერო პედაგოგიკის ფუძემდებელი, პუბლიცისტი, მწერალი და საზოგადო მოღვაწე იაკობ გოგებაშვილი.

კომენტარის დატოვება

თქვენი ელფოსტის მისამართი გამოქვეყნებული არ იყო.

ამ საიტის გამოყენებით, თქვენ ეთანხმებით cookies-ის გამოყენების უფლებას.
© ყველა წესი დაცულია.