საქართველოს ახალი პასპორტები აადვილებს საზღვრის გადაკვეთას

საქართველოს იუსტიციის მინისტრმა რატი ბრეგაძემ განაცხადა, რომ საქართველოს მოქალაქეებს საზღვრის გადაკვეთა გაუადვილდებათ, რადგან ახალი პასპორტები მოწმდება ჩიპით და არა ჰოლოგრამით. მისი თქმით, სამოქალაქო მომსახურების სააგენტომ პირველად გადასცა სამოქალაქო ავიაციის საერთაშორისო ორგანიზაციას (ICAO) სამგზავრო დოკუმენტების უტყუარობის დამადასტურებელი სერთიფიკატები, რაც გაამარტივებს საქართველოს მოქალაქეებს მგზავრობას.

ბიომეტრიული პასპორტების გაცემა საქართველოში 2010 წლის აპრილში დაიწყო. ბოლო მონაცემებით, ასეთი პასპორტი საქართველოს 1,7 მილიონამდე მოქალაქეს აქვს. ჩვეულებრივისგან განსხვავებით ბიომეტრიული პასპორტი შეიცავს სპეციალურ ჩიპს დამატებითი მონაცემებით მფლობელის შესახებ.