საქართველოს ძიუდოისტთა ნაკრებმა პირველი ადგილი დაიკავა

ძიუდოს გრანდ სლემის სამდღიანმა ტურნირმა, რომელიც თბილისში 22-დან 24 მარტამდე იმართებოდა, საქართველოს ნაკრებს ხუთი მედალი მოუტანა, რამაც მას გუნდურ შეჯიბრში პირველი ადგილის დაკავების საშუალება მისცა. ჯამში სპორტსმენებმა ოთხი ოქროს და ერთი ბრინჯაოს მოპოვება მოახერხეს. საქართველომ შარშანაც შესანიშნავი შედეგი აჩვენა: სამი ოქროს, ორი ვერცხლისა და ერთი ბრინჯაოს მედალი მოიპოვა.

შეჯიბრის პირველ დღეს პირველი ადგილი დაიკავა ლაშა შავდათუაშვილმა (73 კგ), ხოლო მეორე დღეს – ეთერ ლიპარტელიანმა (57 კგ). ტურნირის დასკვნით დღეს ოქროს მედალი მოიგო ოლიმპიურმა ჩემპიონმა ლაშა ბექაურმა აზერბაიჯანელი ელჯან გაჯიევის დამარცხებით. მის შემდეგ ტატამზე გურამ თუშიშვილი (+100 კგ) გამოვიდა, რომელმაც ასევე ოქრო მოიპოვა. საბა ინანეიშვილმა (+100 კგ) ბრინჯაოს მედალი მოიპოვა.