საქართველოს კიდევ ერთი წარმომადგენელი იბრძვის ოლიმპიური თამაშებისთვის

გასულ კვირას ქართული მაგიდის ჩოგბურთის ცხოვრებაში ისტორიული მოვლენა მოხდა. ქართველმა სპორტსმენმა ანა ნიკოიანმა პირველად მიიღო ლიცენზია 3rd European Games 2023–ში მონაწილეობის მისაღებად. ეს შეჯიბრებები იძლევა 2024 წლის ზაფხულის ოლიმპიურ თამაშებზე კვალიფიცირების საშუალებას.

ევროპული თამაშები პოლონეთის ქალაქ კრაკოვში 21 ივნისიდან 2 ივლისის ჩათვლით გაიმართება. როგორც საქართველოს სპორტის სამინისტრო იუწყება, ჩვენს სპორტსმენს მოუწევს სხვა ქვეყნების 31 უძლიერეს მეტოქესთან დაპირისპირება.

წარმატებებს ვუსურვებთ ანას!