საქართველოს ფარმაცევტულმა ასოციაციამ ჯანდაცვის სამინისტრო დაადანაშაულა

საქართველოს ფარმაცევტული ასოციაციის განცხადების მიხედვით, ჯანდაცვის სამინისტრომ გაატარა ბაზრის რეგულირების მოუფიქრებელი პოლიტიკა, რამაც მედიკამენტების დეფიციტი გამოიწვია. ასოციაციაში აღნიშნავენ, რომ ახლა ჯანდაცვის სამინისტრო 1620 წამალზე რეფერენტულ ფასს ადგენს, თუმცა საქართველოში მხოლოდ 600-ია ხელმისაწვდომი.

ასოციაციის მონაცემების მიხედვით, ბაზარზე უკვე არის ევროპული მედიკამენტების დეფიციტი. მაგალითად, საქართველოში არის ანტიეპილეფსიური საშუალებების მთელი სიის, მათ შორის, ფინლეფსინის იმპორტის პრობლემა. ყოველივე ეს იწვევს წამლების შავი ბაზრის ზრდას, სადაც წამლების არც ხარისხი და არც ფასი არ რეგულირდება.