საქართველოში ახალი ეკოლოგიური პროექტი გაჩნდა

საქართველოს გარემოს დაცვისა და სოფლის მეურნეობის სამინისტრომ ახალი პლატფორმა “ტყის მეგობარი” წარადგინა. ის იძლევა კერძო კომპანიებისა და მოხალისეების გაერთიანების საშუალებას ქვეყანაში ბუნების გადარჩენისა და ტყის ფართობების გაზრდის აქტივობებში მონაწილეობის მიღების მიზნით. პლატფორმაზე დარეგისტრირების შემდეგ შესაძლებელია, თვალი ადევნოთ პროექტების განვითარებას ონლაინ რეჟიმში და გაიგოთ სასარგებლო ინფორმაცია ექსპერტებისა და გარემოსდამცველებისგან.

პროექტის პრეზენტაციას თბილისის ბოტანიკურ ბაღში ესწრებოდნენ გარემოს დაცვისა და სოფლის მეურნეობის მინისტრი ოთარ შამუგია და ასევე გარემოსდაცვითი არასამთავრობო ორგანიზაციების, დიპლომატიური კორპუსისა და ბიზნეს სექტორის წარმომადგენლები.

პროექტის ფარგლებში მიმდინარე წელს ახალ ხეებს დარგავენ კახეთის, სამცხე-ჯავახეთის, გურიის, რაჭა-ლეჩხუმისა და ქვემო სვანეთის რეგიონებში. მომავალი წლიდან პლატფორმას ქვეყნის კიდევ 9 რეგიონი შეუერთდება.